Lancelot-Graal Project: Amsterdam, Bibliotheca Philosophica Hermetica, 1, iii

Lancelot-Graal Project
Amsterdam, Bibliotheca Philosophica Hermetica, MS 1, vol. ii Folio 202r

Chi endroit dist li contes que
quant li message Galeholt furent
venu au roy Artu en la cite de
Camaaloth si li baillerent les
lettres et li roys les rechut et li message
y seiornerent a moult grant ioie . Mais il
ne demora mie gramment que la ioie a la
royne ne tornast a grant yror . Quant li mes-
sage orent conte au roi lor noueles . si des-
cendi deuant le palais vne damoisele . et
quant elle fu descendue si en vint deuant
le roy moult fierement ou il seoit entre sez
chevaliers . Et elle ot grant route de gent apres li
et furent bien que chevaliers que seriant plus
de trente . Et la damoisele fu de moult grant...

continued in column b

Et fu trechie du
ne treche . et la treche fu longe et grosse
et clere et luisans . Quant li cheualier qui auoec
le roy estoient le veoient venir si li font
voie . et il ni ot nul si haut baron quil
ne se soit contre li leues et dist cascuns
qui le voit que chestoit vne des plus beles
damoiseles del monde . Quant elle fu ve-
-nue deuant le Roy si sache sa guimple
de sa teste dont elle iert encore envole-
-pee et le gete sor le pauement . et il fu as--
ses qui le requelli ...